Edukatorja Majlinda Dehima, 48-vjeçe, e cila dhunoi tre vjeçaren në kopshtin privat pa liçencë “Stinët” është arrestuar. Dhuna ka arritur deri në thyrjen e këmbës së fëmijës, gjë të cilën Dehmia e mohon. Kjo ngjarja pritet të çoj në pranga edhe policë të cilët manipuluan ngjarjen dhe provat gjatë hetimit, për ta tashmë ka një hetim dhe priten urdhër arrestet. Ky skandal u zbulua falë investigimit të emisionit “Stop”.
Prangosja e saj është bërë me kërkesë të Prokurorisë Tiranë.
Njoftimi prokurorisë
Prokuroria pranë Gjykatës së Juridiksionit të Përgjithshëm Tiranë kërkoi caktimin e masës së sigurimit “Arrest në burg” parashikuar nga neni 238 i K.Pr.Penale, për personin nën hetim M. D., për veprën penale “Keqtrajtim i të miturit”, të parashikuar nga neni 124/b/1 i K.Penal.
Kjo masë u kërkua menjëherë pas marrjes në dorëzim ditën e sotme, më dt. 09.11.2023, të procesverbalit për kqyrjen e pamjeve filmike (usb), i cili është mbajtur më dt. 08.11.2023. Me shkresën nr. 9538/1 prot., dt. 08.11.2023, protokolluar në Prokurori me nr. 10983 prot., dt. 09.11.2023, Instituti i Mjekësisë Ligjore, ka përcjellë aktin e ekspertimit mjeko-ligjor.
Prokuroria pranë Gjykatës së Juridiksionit të Përgjithshëm Tiranë, po kryen veprimet e tjera procedurale për dokumentimin e faktit, në kuadër të procedimit penal nr. 7527, i regjistruar pas kallëzimit mbi bazën e materialeve të referuara nga Drejtoria e Policisë së Qarkut Tiranë, Komisariati i Policisë nr.1, për Veprën Penale “Keqtrajtimi i të miturit”, parashikuar nga neni 124/b i Kodit Penal.
