200 mijë euro për shefin e madh, mashtrimi i rradhës siç mëson ekskluzivisht weblajm ka prekur Adi Haxhiymerin. Biznesmenin Tiranas dhe bosin e milleit dhe fabrikës së makaronave.
Kallëzimi penal i Haxhiymerit ka vënë në lëvizje policinë e cila ka arrestuar taksistin nga Kamza që shitej si zyrtar i lartë.
Ai është Arjan Ballcaj prabgosur në kuadër të “Replay2”.
Pas kësaj skeme qëndron i njëjti person ende i pa arrestuar Florjan Gjergji. Ai ka dërguar mesazhe duke kërkuar para deri në emër të politikanëve tek biznesmenët e vëndit. Paratë nuk kanë shkuar tek Florjan Gjergji pasi Ballcaj është neutralizuar pranë zyrave të Haxhiymerit dhe me mbërritjen e bluve dhe krimit ekonomik është arrestuar.
Njoftimi policisë
DVP Tiranë/Tentoi të përfitonte 200 000 euro, nga një shtetas (biznesmen), nëpërmjet mashtrimit, duke u prezantuar si zyrtar i lartë, vihet në pranga 42-vjeçari.
Finalizohet operacioni policor i koduar “Replay 2”.
Operacioni u zhvillua nga Seksioni për Hetimin e Krimeve Ekonomike dhe Financiare, në bashkëpunim me Forcën e Posaçme të Operacioneve Speciale dhe Kërkimit dhe Komisariatin e Policisë Nr. 6, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë.
Sekuestrohet 1 automjet dhe 1 celular.
Specialistët e Seksionit për Hetimin e Krimeve Ekonomike dhe Financiare, në bashkëpunim me Forcën e Posaçme të Operacioneve Speciale dhe Kërkimit dhe Komisariatin e Policisë Nr. 6, në vijim të punës për goditjen e veprimtarisë kriminale në fushën e krimeve ekonomike, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, kanë organizuar dhe finalizuar operacionin policor të koduar “Replay 2”, për identifikimin, kapjen dhe vënien në pranga të një shtetasi i cili ka tentuar të mashtrojë një biznesmen, për të përfituar një shumë të madhe parash.
Si rezultat i këtij operacioni u bë arrestimi i shtetasit A. B., 42 vjeç, banues në Kamëz.
Ky shtetas ka tentuar të mashtrojë një shtetas (biznesmen), për të përfituar shumën 200 000 euro, duke u prezantuar si zyrtar i lartë.
Në cilësinë e provës materiale u sekuestrua 1 automjet dhe 1 celular.
Punohet për identifikimin dhe kapjen e personave të tjerë të implikuar në këtë veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
