Durim Bami është arrestuar në Dubai për llogari të autoriteteve shqiptare.
Policia ka njoftuar zyrtarisht arrestimin e tij me qëllim ekstradimin në Shqipëri.
Ndaj tij ka urdhër-arresti me kërkesë të SPAK në kuadër të operacionit “Revanshi” disa javë më parë, kur u lëshuan 50 urdhra arresti.
Durim Bami dhe personazhe të tjerë të krimit të organizuar nuk u arrit që të arrestoheshin pasi ishin larguar nga Shqipëria.
Ndaj Durim Bamit rëndojnë disa akuza.
Njoftimi i Policisë së Shtetit:
Sot ne date 12.06.2024 eshte arrestuar ne Dubai me qellim ekstradimi drejt vendit tone shtetasi Durim Bami datelindja 29.10.1979 pasi Gjykata e Posaçme e Shkalles se Pare Kunder Korrupsionit dhe Krimit te Organizuar, me vendimin Nr.49 Date 15.05.2024, ka caktuar masen e sigurise “Arrest me burg”, per kete shtetas per veprat penale; “Sigurimi kushteve dhe i mjeteve materiale per te kryer vrasje”,
“Grup i strukturuar kriminal”, “Kultivim i lëndeve narkotike”, dhe “Kryerja e veprave penale nga organizata kriminale, ose grup i strukturuar kriminal”, parashikuar nga nenet, 80, 284, 333/a dhe 334/1 te Kodit Penal.
Vijon procedura per ekstradimin e ketij shtetasi drejt vendit tone.
