Janë konfiskuar me kërkesë të SPAK pasuritë në vlerën 1 mln euro të Redjan Rrajas, i dënuar përjetë për atentatin ndaj ish-prokurorit Arjan Ndoja, ku viktimë mbeti shoferi i tij, Andi Maloku.
Nga ora luksoze Rolex, prona dhe automjete, gjithashtu është vënë nën konfiskimo dhe një automjet në pronësi të modeles Kejvina Kthella (i konfiskuar në nëntor 2019, por që u vulos me vendimin e Gjykatës së Apelit të Posaçëm në tetor të këtij viti).
Janë konfiskuar:
1. Një njësi me sipërfaqe 30 m², në emër të shtetasit Redjan Rraja
2. Një njësi me sipërfaqe 76 m², në emër të shtetasit Redjan Rraja
3. Një njësi me sipërfaqe 127.5 m², në emër të shtetases Marsela Çiça;
4. Një njësi me sipërfaqe 18.09 m², në emër të shtetases Marsela Çiça;
5. Një njësi me sipërfaqe 18.09 m², në emër të shtetases Marsela Çiça;
6. Një automjet në pronësi të shtetasit Redjan Rraja
7. Një automjet në pronësi të shtetases Kejvina Kthella
8. Një orë dore (Rolex).
Njoftimi Zyrtar i Konfiskimit
Tiranë
Finalizohet nga Seksioni për Hetimin e Pastrimit të Parave dhe Aseteve Kriminale në bashkëpunim me Agjencinë e Administrimit të Aseteve të Sekuestruara dhe Konfiskuara, operacioni “RESEMBLANCE”.
Në kuadër të këtij operacioni u bë ekzekutimi i vendimit të Gjykatës së Posaçme të Shkallës së Parë për Korrupsionin dhe Krimin e Organizuar nr. 05, datë 07.02.2024, lënë në fuqi me vendimin nr. 211, datë 23.10.2024 të Gjykatës së Posaçme të Apelit për Korrupsionin dhe Krimin e Organizuar.
Në zbatim të këtij vendimi u bë konfiskimi i pasurive të luajtshme dhe të paluajtshme:
- Një njësi me sipërfaqe 30 m², në emër të shtetasit R. Rr.;
- Një njësi me sipërfaqe 76 m², në emër të shtetasit R. Rr.;
- Një njësi me sipërfaqe 127.5 m², në emër të shtetases M. Ç.;
- Një njësi me sipërfaqe 18.09 m², në emër të shtetases M. Ç.;
- Një njësi me sipërfaqe 18.09 m², në emër të shtetases M. Ç.;
- Një automjet në pronësi të shtetasit R. Rr.;
- Një automjet në pronësi të shtetases K. K.;
- Një orë dore (Rolex).
Pasuritë e mësipërme, të cilat kanë një vlerë tregu rreth 1 milion euro, u konfiskuan me qëllim kalimin në favor të shtetit dhe ju dorëzuan Agjencisë së Administrimit të Aseteve të Sekuestruara dhe Konfiskuara.
Materialet i kaluan për ndjekje të mëtejshme Prokurorisë së Posaçme Kundër Korrupsionit dhe Krimit të Organizuar.
