Një ngjarje e rëndë është shënuara mbrëmjen e kësaj të mërkure në Vlorë. Kevin Hajuralla ka mbetur i plagosur rëndë dhe ndodhet në spital.
Një mjet i dyshuar i atentatorëve u gjet nga policia duke u djegur në fshatin Panaja të Vlorës.
Në këtë ngjarje ka mbetur i plagosur edhe shtetasi Armand Spahiu, shitës në një dyqan aty pranë. Spahiu pa lidhje me ngjarje ka marrë dy plumba teksa ndodhej në punë.
Vlorë/ Informacion paraprak
Mbrëmjen e sotme, rreth orës 21:30, në lagjen “24 Maji”, Vlorë, në rrethana ende të paqarta, është plagosur me armë zjarri shtetasi K. H., rreth 30 vjeç, i cili udhëtonte me një automjet tip “Benz”. Si pasojë e të shtënave, është plagosur me armë zjarri edhe shtetasi A. S., 35 vjeç, i cili ndodhej në afërsi në momentin e ngjarjes.
Të dy personat janë transportuar menjëherë në Spitalin Rajonal Vlorë dhe ndodhen nën kujdesin e mjekëve.Gjatë krehjes së zonës në afërsi të fshatit Panaja, është bërë i mundur lokalizimi i automjetit të dyshuar të përdorur nga autorët, i cili është përfshirë nga flakët. Po punohet për shuarjen e zjarrit. Shërbimet e Policisë kanë mbërritur menjëherë në vendngjarje dhe po punojnë intensivisht për identifikimin dhe kapjen e autorit/autorëve të dyshuar.Grupi hetimor po vijon punën për zbardhjen e rrethanave të plota të ngjarjes.
