Lidershipi është si muzika, harmonia e një mendje dhe e një shpirti që frymëzon një simfoni njerëzish…
Me kontributin e veçantë të FSHF-së, u mundësua për punonjësit e Credins Bank një takim special me trajnerin e Kombëtares Shqiptare të Futbollit, Sylvinho, për të folur mbi sfidat dhe artin e bukur të menaxhimit. 
Trajneri Sylvinho, përmes një rrëfimi personal, të bazuar në shembuj konkret mbi ëndrrat, ambicien, vullnetin, sfidat dhe suksesin, përcolli energji dhe emocione të jashtëzakonshme, duke na bërë të kuptojmë se besimi në vetvete, investimi dhe puna në grup janë rruga e duhur për të patur sukses jo vetëm në zhvillimin profesional, por edhe atë personal. 
Sot Kombëtarja Shqiptare e Futbollit është jo thjesht krenaria jonë, por modeli më i mirë i frymëzimit, e cila na jep shembullin se puna në skuadër është çelësi i vërtetë i suksesit dhe fitoreve. 
