Margarita Xhepa, ikona e kinematografisë shqiptare, është ndarë nga jeta në moshën 93-vjeçare.
Aktorja kishte shfaqur probleme me frymëmarrjen kohët e fundit dhe ndërroi jetë në një spital privat.
Margarita Xhepa është një nga aktoret më të njohura që ka dhënë kontribut në teatër dhe kinematografi. Ajo është një nga emrat që ka lënë një gjurmë të thellë në kulturën shqiptare, me një karrierë të pasur që ka përfshirë role të shumta.
Margarita Xhepa ka lindur më 2 Prill 1932, dhe pas përfundimit të studimeve në Institutin e Lartë të Arteve, ajo ka filluar të marrë pjesë në spektakle teatrale, ku është dalluar për aftësitë e saj të jashtëzakonshme si aktore.
