Presidenti amerikan Donald Trump ka shpallur vendosjen e tarifave për të gjitha vendet e botës në lidhje me produktet që hyjnë në SHBA, duke argumentuar se këto tarifa do të bëjnë që Amerika të lulëzojë sërish.
Këto taksa të reja të importit, të cilat Trump vendosi nëpërmjet urdhrit ekzekutiv, pritet të shkaktojnë valë tronditëse ekonomike në mbarë botën.
Por presidenti amerikan beson se ato janë të nevojshme për të adresuar çekuilibrat tregtare dhe për të mbrojtur vendet e punës dhe prodhimin amerikan.
Këtu janë elementët bazë të planit.
Kjo normë është vendosur në 10% dhe do të hyjë në fuqi më 5 Prill, ku këtu bëjnë pjesë edhe Shqipëria e Kosova.
Janë kompanitë që sjellin mallrat e huaja në SHBA ato që duhet t’i paguajnë taksën qeverisë, megjithëse kjo mund të ketë efekte negative për konsumatorët.
Disa vende do të përballen vetëm me normën bazë. Këto përfshijnë, siç janë Mbretëria e Bashkuar,
Singapori, Brazili, Australia, Zelanda e Re, Turqia, Kolumbia, Argjentina, El Salvador, Emiratet e Bashkuara Arabe, Arabia Saudite.
Zyrtarët e Shtëpisë së Bardhë thanë gjithashtu se do të vendosin tarifa që i cilësojnë si “specifike reciproke” për afërsisht 60 nga “shkelësit më të këqij”.
Këto do të hyjnë në fuqi më 9 Prill.
Zyrtarët e Trump thonë se këto vende vendosin tarifa më të larta për mallrat amerikane, barriera “jotarifore” për tregtinë amerikane ose kanë vepruar ndryshe në mënyra që mendojnë se minojnë qëllimet ekonomike amerikane.
Partnerët kryesorë tregtarë që i nënshtrohen këtyre tarifave të personalizuara përfshijnë:
Bashkimi Evropian: 20%
Kina: 54%
Vietnami: 46%
Tajlanda: 36%
Japonia: 24%
Kamboxhia: 49%
Afrika e Jugut: 30%
Tajvan: 32%
Norma bazë prej 10% nuk vlen për Kanadanë dhe Meksikën.
Shtëpia e Bardhë tha se do të merrej me të dyja vendet duke përdorur një kornizë të përcaktuar në urdhrat e mëparshëm ekzekutivë të Trump, i cili vendosi tarifa për të dy vendet si pjesë e përpjekjeve të administratës për të adresuar hyrjen e fentanilit në SHBA dhe çështjet kufitare.
Trump më parë i vendosi ato tarifa në 25% për të gjitha mallrat që hyjnë nga të dy vendet, përpara se të bënte disa përjashtime dhe vonesa për hyrjen në fuqi.
Për më tepër, presidenti konfirmoi fillimin e një tarife të re amerikane “25% për të gjitha makinat e prodhimit të huaj”.
Kjo tarifë hyri në fuqi pothuajse menjëherë.
