iPhone, një nga markat më të preferuara dhe të shitura në botë të smartphone, mund të arrijë një vlerë marramendëse pas tarifave që ka vendosur Presidenti amerikan Donald Trump.
Sipas analistëve, vendosja e tarifave amerikane për vendet në mbarë botën mund të ndryshojnë në mënyrë drastike peisazhin e tregtisë globale dhe mallrat e konsumit si iPhone mund të jenë ndër më të goditurat. Sipas tyre, kjo do mund të shoqërohet me rritje prej 30% deri në 40% të çmimit nëse kompania do të kalonte koston tek konsumatorët.
Shumica e iPhone prodhohen ende në Kinë, shtet nda të cilit u vendos një tarifë prej 54%. Nëse ato tarifa vazhdojnë, Apple ka një zgjedhje të vështirë: të mbulojë shpenzimet shtesë ose t’ua kalojë kostot klientëve.
Apple shet më shumë se 220 milionë iPhone në vit; tregjet e saj më të mëdha përfshijnë Shtetet e Bashkuara, Kinën dhe Evropën.
Modeli më i lirë i iPhone 16 u lançua në SHBA me një çmim prej 799 dollarë, por mund të kushtojë deri në 1,142 dDllarë, bazuar në përllogaritjet e analistëve.
Një iPhone 16 Pro Max me memorie 1TB i cili aktualisht shitet me 1599 dollarë, mund të kushtojë afro 2300 dollarë nëse një rritje prej 43% do t’u kalonte konsumatorëve.
Çmimet e pajisjeve të tjera Apple mund të rriten gjithashtu. Kompania amerikane nuk ka bërë ende një reagim për këto tarifa.
