Policia ka nisur njjë hetim ndërsa pas telefonatës në sallën operative, zyrës së Partisë Social Demokrate PSD drejtuar nga Tom Doshi i është vënë shiriti. Ngjarja është shënuar në lagjen “ali dem” në tiranë. Njësia “Ali Dem” është edhe zona elektorale e ministrit të brendshëm z.Ervin Hoxha. Ai garon në listën e hapur me subjketin politik Partia Socialiste.
Tiranë/Informacion paraprak
Rreth orës 14:00, në sallën operative të DVP Tiranë ka ardhur një telefonatë se në rrugën “Ali Demi” kishte një konflikt midis disa shtetasish, në ambientet e një zyre elektorale.
Gjatë këqyrjes së vendit të ngjarjes, është konstatuar i dëmtuar dyshohet me sende të forta xhami i zyrës së subjektit elektoral.
Po nga këqyrja e vendit të ngjarjes, janë konstatuar dy fishekë luftarak.
Menjëherë në vendin e ngjarjes, kanë shkuar forca të shumta policie dhe grupi hetimor. Vijon puna për identifikimin dhe kapjen e shtetasve të përfshirë në konflikt, të cilët janë larguar nga vendi i ngjarjes me një automjet.
Në drejtimin e Prokurorisë vijon puna për zbardhjen e motivit të konfliktit dhe dokumentimin e rrethanave të rastit.
