Grabiti 30 mijë euro në Astir, Artan Tafani anëtar i grupit të Laert Haxhiut dhe vrasje me pages zbardh krimet e kryera në një dekadë.
WebLajm mëson se janë arrestuar vrasës me pages në Korçë, Pogradec, Lushnje, Elbasan.
Ndër ngjarjet e zbardhura janë ajo e Alban Semakut ndodhur në 2021 në Peqin, njohur si Kinezi dhe pjesë e grupit të Aldo Bares. Tjetër krim me pages është ai ndaj Albi Bashalliut po në 2021 në Gjocaj të Peqinit. Një tjetër vrasje e zbardhur është ajo e Albi Ballushit.
Vrasje të tjera në Greqi mes shqiptarëve, si dhe ato në Shqipëri si Korçë, Elbasan, Pogradec dhe Berat.
Këto vrasje sqaruan burimet janë bërë me pagesë dhe vrasësit ishin të ndarë në grupe sipas qyteteve dhe çmimet varionin deri në 50 mijë euro për vrasje.
Tafani ka rrëfyer bazat e grupit, adresat, telefonat si dhe kronologji të takikeve dhe ngjarjeve të cilat prokuroria i ka krahasuar me provat e dosjeve të arkivuara.
Ato janë përputhur ndërsa Tafani rezulton se edhe vetë ka qenë i përfshirë në këto krime.
Policia dhe Peokuroria do të mbajnë edhe një konferencë për detajet e aksionit.
Çfarë zbuluan hetimet nga dëshmitari i drejtësisë?
Artan Tafani, pas arrestimit është zbërthyer përpara prokurorit Kreshnik Ajazi, duke zbardhur të gjitha ngjarjet kriminale që ai ka marrë pjesë dhe ka pasur informacion. Referuar të dhënave nga grupi hetimor i penduari ka zbardhur në total 16 ngjarje kriminale. Sipas burimeve janë zbardhur dy vrasje në Peqin, nje vrajsje në Tepelenë dhe nje vrasje ne Korçë. Gjithashtu referuar dëshmive të tij, është zbardhur edhe një tentativë vrasjeje në Lushnje, 2 vjedhje me dhunë, dhe 5 raste të tritol vënies, ku ka pasur dëme materiale. Gjithashtu hetimet kanë zbardhur edhe 3 raste të siguromit te kushteve të mjeteve për vrasje. Gjithashtu dëshmia e Tafanit ka zbardhur edhe dy vrasje në Athinë. Në sajë të këtij operacioni janë ekzekutuar 16 masa të sigurie nga 17 të leshuara nga Prokuroria e Elbasanit.
Të arrestuar
Artan Tafani
Lulzim Spahia (Arapi)
Erisian Abedini,
Ligor Lomaçka, aktualisht në burg
Bledar Berberi
Mariglen Topuzi
Bujar Abedini
Enriko Xhahysa
Klea Gjata
Idriz Mane, aktualisht në burg në Korçë
Fatjon Veliu
Leart Haxhiu, aktualisht në burg në Greqi
Të shpallur në kërkim
Lorenc Lala,
Firdeus Berberi,
Kristi Bizheku,
Endrit Caushi,
Njoftimi i plotë i Policisë
Drejtori i Përgjithshëm i Policisë së Shtetit Drejtues Madhor Muhamet Rrumbullaku, konferencë për shtyp, së bashku me prokurorin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan Kreshnik Ajazi, për rezultatet e megaoperacionit policor të koduar “NEVER FORGET”.
Jemi sot, këtu, bashkërisht Polici dhe Prokurori, për të bërë prezente rezultatet e megaoperacionit policor të koduar “NEVER FORGET”, për zbardhjen e një sërë ngjarjesh të rënda kriminale kundër personit dhe pronës, të ndodhura më parë brenda dhe jashtë vendit.
Rezultatet e këtij megaoperacioni erdhën si rezultat i strukturimit të strukturave operacionale dhe hetimore të Policisë së Shtetit, duke rritur dhe përqendruar kapacitetet njerezore në strukturat hetimore për hetimin e krimeve të rënda, në nivel vendor dhe qendror, për zbulimin dhe dokumentimin e ngjarjeve të vjetra pa autorë, në fushën e krimeve kundër personit dhe pronës, si vrasje dhe shkatërrim të pronës me eksploziv.
Falë bashkëpunimit mjaft të shkëlqyer mes Policisë së Shtetit dhe Prokurorisë së Rrethit Gjyqesor Elbasanit, kryesisht të strukturave hetimore dhe operacionale të drejtorive vendore të Policisë Elbasan dhe Tiranë, u bë i mundur finalizimi me sukses të plotë i këtij megaperacioni.
Gjatë këtij megaoperacioni u zhvilluan hetime me profesionalizëm dhe në ruajtje të plotë të sekretit hetimor, ndërthurur me rritje të forcës reaguese për lokalizimin dhe kapjen e shtetasve të kërkuar, me rrezikshmëri shoqërore, si dhe u bashkëpunua me agjencitë e tjera ligjzbatuese brenda dhe jashtë vendit, punë e cila solli si rezultat zbardhjen e 6 vrasjeve, 5 rasteve të shkatërrimit të pronës me eksploziv, 2 rasteve të vjedhjes me dhunë, 3 rasteve të sigurimit të kushteve dhe mjeteve për të kryer vrasje, 1 rasti të kanosjes së punonjësve të Policisë (ngjarje këto të ndodhura në disa qytete të vendit), si dhe zbardhjen e 2 vrasjeve të kryera në Greqi.
Bazuar në provat e siguruara nga ky megaoperacion, Prokuroria pranë Gjykatës së Shkallës së Parë të Juridiksionit të Përgjithshëm Elbasan ka lëshuar 15 urdhra ndalimi, nga të cilat 12 janë ekzekutuar, ndërsa 3 shtetas janë shpallur në kërkim.
Për ngarjet e ndodhura:
Më datë 17.10.2021, Prokuroria pranë Gjykatës së Shkallës së Parë të Juridiksionit të Përgjithshëm Elbasan, mbi bazën e materialit të referuar nga Drejtoria Vendore e Policisë Elbasan, ka regjistruar procedimin penal nr. 1559, të vitit 2021, për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”.
Nga studimi i akteve hetimore mbi procedimet penale të vrasjeve të mëposhtme, nga oficerët e Policisë Gjyqësore të Elbasanit, në drejtimin e prokurorëve të çështjeve, ka rezultuar se:
Më datë 17.10.2021, rreth orës 10:00, në lagjen “Çezmë”, Peqin është vrarë me armë zjarri shtetasi Alban Semaku alias Elton Mermali.
Nga veprimet hetimore të kryera në lidhje me këtë procedim penal, si deklarime, këqyrje e pamjeve filmike, përgjime telefonike dhe ambientale, si dhe bazuar në provat materiale të gjetura në vendin e ngjarjes, është identifikuar si autor i dyshuar i kësaj ngjarjeje shtetasi Artan (Marjus) Tafani, banues në Lushnjë, 39 vjeç.
Gjithashtu, nga hetimet e kryera me metoda speciale të hetimit, dyshohet se ky shtetas, në bashkëpunim me shtetas të tjerë, ka kryer disa ngjarjeve të rënda kriminale (vrasje, shkatërrim prone me eksploziv, vjedhje me dhunë, sigurim kushtesh dhe mjetesh për të kryer vrasje), të kryera në periudhën kohore 2021-2023, në disa qytete të ndryshme të vendit si Elbasan, Tiranë, Lushnjë, Tepelenë, Korçë dhe Durrës, si më poshtë:
- Vrasja me paramendim e shtetasit Çajup Selimi, e ndodhur më datë 01.06.2021, në qytetin e Tepelenës, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë;
- Erisiano Abedini, 32 vjeç, banues në Tepelenë;
- Lulzim Spahija (Arapi), 28 vjeç, lindur në Lushnjë;
- Ligor Romacka, 31 vjeç, lindur në Korçë;
- Bujar Abedini, 49 vjeç, banues në Tepelenë.
- Vrasja me paramendim e shtetasit Fridman Xhaferaj, e ndodhur më datë 02.06.2021 (konstatuar në datë 13.06.2021), në qytetin e Korçës, me autorë të dyshuar:
- Laert Haxhiu, 31 vjeç, lindur në Lushnje;
- Artan (Marjus) Tafani, 39 vjeç, lindur në Lushnjë;
- Lulzim Spahija (Arapi), 28 vjeç, lindur në Lushnjë;
- Ligor Romacka, 31 vjeç, lindur në Korçë;
- Maringlen Topuzi, 37 vjeç, banues në Pogradec;
- Bledar Berberi, 34 vjeç, banues në Pogradec;
- Idriz Manej, 58 vjeç, lindur në Ktosh.
- Vrasja me paramendim e shtetasit Alban Semaku (Elton Mermali), e ndodhur më datë 16.10.2021 2021 (konstatuar në datë 13.06.2021), në qytetin e Peqinit, me autorë të dyshuar: -Laert Haxhiu, 31 vjeç, lindur në Lushnjë;
-Artan (Marjus) Tafani, 39 vjeç, lindur në Lushnjë;
-Lulzim Spahija (Arapi), 28 vjeç, lindur në Lushnjë. - Vrasja për gjakmarrje e shtetasit Albi (Dijonist) Bashaliu, e ndodhur më datë 27.12.2021, në fshatin Gjocaj, Peqin, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë;
- Lulzim Spahija (Arapi), 28 vjeç, lindur në Lushnjë;
- Lorenc Lala (alias Ilir Lamberti, alias Kristian Lala), 36 vjeç, banues në Lushnjë;
- Enriko Xhahysa, 23 vjeç, banues në Gjocaj, Peqin;
- Bledar Berberi, 34 vjeç, banues në Pogradec.
- Vrasja me paramendim, e mbetur në tentativë, ndaj shtetasit Kujtim Meta, e ndodhur më datë 20.04.2022, në qytetin e Lushnjes, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë;
- Lulzim Spahija (Arapi), 28 vjeç, lindur në Lushnjë;
- Dorian Shurdhi, 40 vjeç, banues në Lushnjë (i cili ka humbur jetën më parë).
- Shkatërrim i pronës me eksploziv, e kryer 5 raste, si më poshtë:
6.1 Në datë 05.04.2021, në banesën e shtetasit Arjan Aliço, në qytetin e Lushnjes, me autorë të dyshuar :
- Laert Haxhiu, 31 vjeç, lindur në Lushnjë;
- Lulzim Spahija (Arapi), 28 vjeç, lindur në Lushnjë.
6.2 Në datë 29.05.2021, në banesën e shtetasit Erion Çoku, në qytetin e Lushnjës, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë.
6.3 Në datë 08.06.2022, në dyqanin e shtetasit Bashkim Rajku, në qytetin e Durrësit, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë;
- Lulzim Spahija (Arapi), 28 vjeç, lindur në Lushnjë;
- Erisiano Abedini, 32 vjeç, banues në Tepelenë.
6.4 Më datë 01.11.2022 dhe më datë 31.12.2022 (2 raste), në banesën e shtetasit Bujar Turku në qytetin e Lushnjes, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë;
- Erisiano Abedini, 32 vjeç, banues në Tepelenë;
- Kristi Bixheku, 28 vjeç, banues në Lushnjë.
- Gjithashtu, 3 vjedhja me dhunë, të kryera në bashkëpunim, konkretisht:
7.0. Vjedhje me dhunë në një pikë për këmbimin valutor, në zonën e Astirit, Tiranë, ndodhur më datë 24.06.2023;
7.1- Në datë 27.01.2022, në Tiranë, vjedhja me dhunë e automjetit tip “Benz” të shtetasit Gëzim Çepele, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë;
- Lulzim Spahija (Arapi), 28 vjeç, lindur në Lushnjë.
7.2 Në datë 22.02.2023, në Durrës, vjedhja me dhunë e automjetit tip “Daimler Chrysler” të shtetasit Marjus Zejneli, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë;
- Firdeuss Berberi, 22 vjeç, banues në Pogradec.
- Në vijim, 3 raste të sigurimit të kushteve dhe i mjeteve materiale për të kryer vrasje, të kryer në bashkëpunim, konkretisht:
8.1- Në muajin tetor 2021, në Lushnjë, ndaj shtetasit Adriatik Guri (Doga), me profesion avokat, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë;
- Lulzim Spahija (Arapi), 28 vjeç, lindur në Lushnjë.
8.2- Më datë 06.07.2022, në Lushnjë, ndaj shtetasit Rexhep Gina, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë;
- Lorenc Lala (alias Ilir Lamberti, alias Kristian Lala), 36 vjeç, banues në Lushnjë;
- Ederin Caushi, 36 vjeç, banues në Lushnjë;
- Fatjon Veliu, 36 vjeç, lindur në Berat.
8.3- Në muajin maj 2023, në Lushnjë, ndaj shtetasit Genci Hida, me autorë të dyshuar:
- Laert Haxhiu, 31 vjeç, lindur në Lushnjë;
- Artan (Marjus) Tafani, 39 vjeç, lindur në Lushnjë;
- Kristi Bixheku, 28 vjeç, banues në Lushnjë.
- Gjithashtu, 1 rast i kanosjes së punonjësve të Policisë, kryer më datë 06.04.2023, në Tiranë, ku duke dalë nga ashensori, janë kanosur për shkak të detyrës, 2 punonjës policie, me autor të dyshuar: Firdeuss Berberi, 22 vjeç, banues në Pogradec.
Për ngjarjet e sipërpërmendura janë ekzekutuar urdhrat e ndalimit të prokurorit, për shtetasit e mëposhtëm:
- Artan (Marjus) Tafani, 39 vjeç, lindur në Lushnje, i dyshuar për veprat penale “Vrasja me paramendim” e kryer në bashkëpunim, (3 raste, në dëm të viktimave Çajup Selimi, Fridman Xhaferaj dhe Alban Semaku); “Vrasja për gjakmarrje” e kryer në bashkëpunim (në dëm të viktimës Albi Bashaliu); “Vrasja me paramendim” e mbetur në tentativë, e kryer në bashkëpunim (në dëm të viktimës Kujtim Meta); “Shkatërrim i pronës me eksploziv” e kryer në bashkëpunim (4 herë, me të dëmtuar shtetasit Erion Çoku, Bashkim Rajku, dhe Bujar Turku/2 herë ); “Sigurimi i kushteve dhe i mjeteve materiale për të kryer vrasje” e kryer në bashkëpunim (3 herë, ndaj shtetasve Adriatik Guri (Doga), Rexhep Gina dhe Genci Hida); “Mbajtja pa leje dhe prodhimi i armëve, armëve shpërthyese dhe i municionit” dhe “Vjedhja me dhunë” e kryer në bashkëpunim (3 raste, me të dëmtuar shtetasve, Shezai COBO, Gëzim Çepele dhe Marjus Zejneli);
- Lulzim Spahija (Arapi), 28 vjeç, lindur në Lushnje, i dyshuar për veprat penale “Vrasja me paramendim” e kryer në bashkëpunim, (3 raste, në dëm të viktimave Çajup Selimi, Fridman Xhaferaj dhe Alban Semaku); “Vrasja për gjakmarrje” e kryer në bashkëpunim (në dëm të viktimës Albi Bashaliu); “Vrasja me paramendim” e mbetur në tentativë, e kryer në bashkëpunim (në dëm të viktimës Kujtim Meta); “Shkatërrim i pronës me eksploziv” e kryer në bashkëpunim (3 herë, me të dëmtuar shtetasit Erion Çoku, Bashkim Rajku dhe Arjan Aliço); “Sigurimi i kushteve dhe i mjeteve materiale për të kryer vrasje” e kryer në bashkëpunim (ndaj shtetasit Adriatik Guri (Doga); “Mbajtja pa leje dhe prodhimi i armëve, armëve shpërthyese dhe i municionit” dhe “Vjedhja me dhunë” e kryer në bashkëpunim (me të dëmtuar shtetasin Gëzim Çepele). Aktualisht në IEVP, në Berat;
- Ligor Romacka, 31 vjeç, lindur në Korçë, i dyshuar për veprat penale “Vrasja me paramendim” e kryer në bashkëpunim (2 raste, në dëm të viktimave Çajup Selimi dhe Fridman Xhaferaj) dhe “Mbajtja pa leje dhe prodhimi i armëve, armëve shpërthyese dhe i municionit”. Aktualisht në IEVP, në Korçë;
- Erisiano Abedini, 32 vjeç, banues në Tepelenë, i dyshuar për veprat penale “Vrasja me paramendim” e kryer në bashkëpunim, (në dëm të viktimës Çajup Selimi), “Shkatërrimi i pronës me eksploziv” e kryer në bashkëpunim (3 raste, me të dëmtuar shtetasit Bashkim Rajku dhe Bujar Turku/2 herë);
- Bledar Berberi, 34 vjeç, banues në Pogradec, i dyshuar për veprën penale “Vrasja me paramendim” e kryer në bashkëpunim (në dëm të viktimës Fridman Xhaferaj);
- Maringlen Topuzi, 37 vjeç, banues në Pogradec, i dyshuar për veprat penale “Vrasja me paramendim” e kryer në bashkëpunim, (në dëm të viktimës Fridman Xhaferaj), “Vrasja për gjakmarrje” e kryer në bashkëpunim (në dëm të viktimës Albi Bashaliu);
- Bujar Abedini, 49 vjeç, banues në Tepelenë, si i dyshuar për veprën penale “Vrasja me paramendim” e kryer në bashkëpunim, (në dëm të viktimës Çajup Selimi);
- Enriko Xhahysa, 23 vjeç, banues në Gjocaj, Peqin, i dyshuar për veprën penale “Vrasja për gjakmarrje” e kryer në bashkëpunim (në dëm të viktimës Albi Bashaliu).
- Klea Gjata, 27 vjeçe, banuese në Lushnjë, e dyshuar për veprat penale “Përkrahja e autorit të krimit” dhe “Moskallëzimi i krimit”;
- Idriz Manej, 68 vjeç, lindur në Ktosh, i dyshuar për veprën penale “Vrasja me paramendim” e kryer në bashkëpunim, (në dëm të viktimës Fridman Xhaferaj). Aktualisht në IEVP, në Korçë;
- Fatjon Veliu, 36 vjeç, lindur në Berat, i dyshuar për veprën penale “Sigurimi i kushteve dhe i mjeteve materiale për të kryer vrasje” e kryer në bashkëpunim (ndaj shtetasit Rexhep Gina). Aktualisht në IEVP, në Lezhë.
- Laert Haxhiu, 31 vjeç, lindur në Lushnjë, i dyshuar për veprat penale “Vrasja me paramendim” e kryer në bashkëpunim, (3 herë, në dëm të viktimave Çajup Selimi, Fridman Xhaferaj dhe Alban Semaku); “Vrasja për gjakmarrje” e kryer në bashkëpunim (në dëm të viktimës Albi Bashaliu); “Vrasja me paramendim” e mbetur në tentativë, e kryer në bashkëpunim (në dëm të viktimës Kujtim Meta); “Shkatërrimi i pronës me eksploziv” e kryer në bashkëpunim (5 herë, me të dëmtuar shtetasit Erion Çoku, Bashkim Rajku, Bujar Turku/2 herë dhe Arjan Aliço); “Sigurimi i kushteve dhe i mjeteve materiale për të kryer vrasje” e kryer në bashkëpunim (3 herë, ndaj shtetasve Adriatik Guri (Doga), Rexhep Gina dhe Genci Hida); “Mbajtja pa leje dhe prodhimi i armëve, armëve shpërthyese dhe i municionit” dhe “Vjedhja me dhunë” e kryer në bashkëpunim (2 herë, me të dëmtuar shtetasit Gëzim Çepele dhe Marjus Zejneli). Aktualisht në IEVP, në Greqi.
Në vijim, u shpallën në kërkim shtetasit:
- Lorenc Lala (alias Ilir Lamberti alias Kristian Lala), 46 vjeç, banues në Lushnjë, i dyshuar për veprat penale “Vrasja për gjakmarrje” e kryer në bashkëpunim (në dëm të viktimës Albi Bashaliu) dhe “Sigurimi i kushteve dhe i mjeteve materiale për të kryer vrasje” e kryer në bashkëpunim (ndaj shtetasit Rexhep Gina);
- Firdeuss Berberi, 22 vjeç, banues në Pogradec, i dyshuar për veprat penale “Vjedhja me dhunë” e kryer në bashkëpunim, (me të dëmtuar shtetasin Marjus Zejneli), “Kanosja për shkak të detyrës” dhe “Prishja e qetësisë publike”;
- Kristi Bixheku, 28 vjeç, banues në Lushnjë, i dyshuar për veprat penale “Shkatërrimi i pronës me eksploziv” e kryer në bashkëpunim (2 herë, me të dëmtuar shtetasin Bujar Turku/2 herë) dhe “Sigurimi i kushteve dhe i mjeteve materiale për të kryer vrasje” e kryer në bashkëpunim (ndaj shtetasit Genci Hida);
- Ederin Caushi, 36 vjeç, banues në Lushnjë, i dyshuar për veprën penale “Sigurimi i kushteve dhe i mjeteve materiale për të kryer vrasje” e kryer në bashkëpunim (ndaj shtetasit Rexhep Gina).
Gjithashtu, nga hetimet e kryera jane siguruar indicie dhe ka dyshime të arsyeshme se shtetasi Laert Haxhiu është organizator dhe porositës i 2 vrasjeve të kryera në Athinë, konkretisht:
• Vrasja e shtetasit Lulzim Qorri, e ndodhur në dhjetor 2018, në rrugën “Kritis”, sheshi “Omonia” Athinë;
• Vrasja e shtetasit Dikenc Halili, e ndodhur në tetor 2021, në lokalin e tij, në lagjen “Kriso”, Athinë.
Të dhënat e siguruara do t’iu komunikohen autoriteteve policore greke, brenda ditës së sotme.
Në cilësinë e provës materiale janë sekuestruar kapsolla detonatore, silenciatorë, krehra fishekësh, fara kanabisi, celularë, automjete etj.
Nga strukturat hetimore të Policisë së Shtetit, në bashkëpunim me prokuroritë respektive, vijojnë hetimet intensive për zbardhjen e ngjarjeve të tjera të rënda kriminale kundër personit e pronës.
Dua të garantoj qytetarët se edhe për ngjarjet e fundit kriminale, të ndodhura në Mirditë, Durrës dhe Dukagjin, strukturat hetimore të Policisë së Shtetit, në bashkëpunim me prokuroritë respektive, po punojnë intensivisht për identifikimin e autorëve , kapjen dhe arrestimin e tyre. Nga hetimet e deritanishme janë administruar informacione dhe të dhëna të besueshme për autorët e dyshuar dhe bashkëpunëtorët e tyre të përfshirë në ngjarje, dhe po punohet intensivisht për të siguruar provat shkencore për dokumentimin ligjor të autorësisë së tyre.
Ndërkohë, strukturat e Policisë së Shtetit janë duke zhvilluar hetime dhe veprime operacionale për parandalim e ngjarjeve kriminale, kapjen e shtetasve në kërkim me rrezikshmëri të lartë shoqërore, parandalimin dhe goditjen e trafikimit të lëndëve narkotike dhe të armëve të zjarrit. Gjithashtu, janë duke vijuar intensivisht veprimet e përditshme hetimore në kuadër të megaoperacionit policor të koduar “Tempulli”, si dhe për zbatimin e paketës së sigurisë në shkolla.
Falënderoj drejtuesit e strukturave të drejtorive vendore të Policisë Elbasan dhe Tiranë, të gjithë punonjësit e Policisë të përfshirë në këtë megaoperacion, si dhe në veçanti drejtuesin e Prokurorisë së Elbasanit dhe prokurorët e çështjeve, për bashkëpunimin mjaft profesional, jo vetëm në këtë megaoperacion, por edhe për finalizimin e shumë operacioneve të zhvilluara më parë në qarkun Elbasan.
Së fundi, një thirrje shumë të sinqertë për qytetarët që zbatojnë ligjin, të bashkëpunojnë edhe më shumë me Policinë, të jenë më aktivë për të luftuar bashkërisht paligjshmëritë, për të krijuar një ambient sa më të sigurtë për ne dhe të ardhmen e fëmijëve tanë.
