Vdekja në fushë e futbollistit të Egnatias Raphael Dwamena, Prokuroria e Durrësit nis hetiemt dhe sekuestron dokumentat e federimit dhe kartelën mjeksore.
Hetimi nga prokuroria e Durrësit është regjistruar sipas nenit 248 të kodit penal, atë të shpërdorimit të detyrës.
Kush e lejoi të lunate futboll teksa mjekët e kishin ndaluar dhe kishte pësuar njëher probleme me zemrën janë pyetjet që prokuroria e Durrësit, do ti jap përgjigje me hetimin e nisur.
WebLajm mëson se oficerët e polcisë gjyqësore janë urdhëruar të sekuestrojnë dokumenta te federimit të lojtarit të Egnatias i cili në fundjavë humbi jetën në fushë teksa ekipi Rrogozhinës po përballes me Partizanin.
Raphael Dwamena ka qenë pjesë e Zurich, Levante, Real Zaragoza dhe në 2019 ishte gati të nënshkruante me Brighton në Premier League por u ndal nga problemet në zemër, gjë e cila në kampionatin shqiptar se ka penguar të luaj e të shtrohet edhe në spital.
Me anë të një postimi në Facebook kreu i Urgjencës Kombëtare Skënder Brataj e cilëson këtë ngjarje, si vdekje e paralajmëruar dhe ai thotë se mund të prandalohej.
Vdekje e paralajmeruar!
Ngushëllime familjes për humbjen e të dashurit të tyre.
Kur ndodhi ngjarja në vitin 2021 me futbollistin e Danimarkës Eriksenin pati shumë interpretime. Një gjë është e sigurt: Erikseni nuk duhet të luaj futboll! Raphael Dwamena nuk duhej të luante futboll! Mjekët e njoftuan disa herë, Zoti e fali dy herë!
Çfarë është Kardiomiopatia hipertrofike?
Ajo (zmadhimi i mureve të zemrës) është një sëmundje e trashëguar e zemrës.
Kjo formë e kardiomiopatisë quhet asimetrike; Forma më të rralla të kardiomiopatisë, që prekin afërsisht 2% të pacientëve, janë hipertrofi koncentrike, me trashje uniforme të zemrës në murin e ventrikulit të majtë dhe hipertrofia me zmadhim të apeksit të saj.
KOMPLIKIMET
Në shumicën e rasteve, kur monitorohet sëmundja ka ecuri të mirë. Kardiomiopatia hipertrofike mund të shfaqet me lipotimi të shoqëruar me humbje të vetëdijes, sinkop, arrest respirator deri në arrest kardiak. Në këtë rast kërkohet reanimim i menjëhershëm.
DIAGNOZA
Diagnoza e kardiomiopatisë hipertrofike vendoset nëse gjendet trashje e murit të ventrikulit të majtë të cilat shoqërohen me anomali të formës dhe/ose funksionit të valvulës mitrale, qarkullimit koronar të gjakut, sistemit të përcjelljes së impulsit elektrik të zemrës.
Këto ekzaminime çojnë në diagnozën e sëmundjes:
Elektrokardiograma (EKG), Ekokardiograma, MRI kardiake, CT skanimi i zemrës, testet laboratorike dhe analizat gjenetike.
TRAJTIMI
Pacientët e diagnostikuar me kardiomiopati hipertrofike trajtohen me këto grupe medikamentesh:
Beta bllokues, bllokuesit e kanaleve të kalciumit, diuretikët, disopiramide.
Nëse terapia nuk është e mjaftueshme dhe pacienti vazhdon të shfaqi simptoma, ekzistojnë 2 opsione kirurgjikale për trajtimin e kardiomiopatisë hipertrofike.
Opsioni i parë konsiston në heqjen e pjesës së indit të muskujve të zemrës që është trashur: ky operacion quhet miektomi (procedurë Morrow).
E dyta konsiston në nderhyrjen e septumit ndërventrikular.
Për pacientët që konsiderohen të jenë në rrezik të lartë të aritmive kardiake kërcënuese për jetën, indikohet implantimi i një defibrilatori automatik (ICD), siç ishte rasti i Raphael Dwamena.
Dy janë artmitë vdekjeprurëse në këtë rast: Takikardia ventrikulare pa puls dhe fibrilacioni ventrikular që i kanë ndodhur dy herë të tjera në fushë këtij lojtari.
Mund të evitohej? Po.
Ai nuk duhet të luante!
Dr.Skender Brataj
