Aktorja e njohur hollivudiane Cameron Diaz është bërë nënë për herë të dytë të moshën 51-vjeçare. Ajo dhe partneri i saj muzikanti Benji Madden kanë bërë të ditur në rrjete sociale se janë bërë prindër të vogëlushit Cardinal Madden.
Çifti kanë edhe një vajzë 4-vjeçare, Raddix, e cila ka ardhur në jetë në Dhjetor të vitit 2019. Për të qëndruar pranë familjes e sidomos për të rritur të bijën prej kohësh, Diaz është shkëputur nga aktrimi dhe gjithashtu është marrë me zhvillimin e sipërmarrjes së saj lidhur me verërat organike “Avaline”.
E megjithatë, aktoren e njohur të shumë roleve do e shohim sërish në ekranin e madh me prodhimin kinematografik “Back in Action”, i cili pritet të shfaqet gjatë vitit 2024. Në këtë prodhim kinematografik ajo do të jetë së bashku me aktorin Jamie Foxx.
