Kompania KONTAKT ka shpërblyer fituesit e Maratona 2024 të organizuar në Rrugën Unazore të Kompleksit Mangalem 21.
Maratona u realizua në dy faza, duke shpërndarë çmime për stafin e KONTAKT por dhe për qytetarët të tjerë të cilët kishin aplikuar për të qenë pjesë e garë.
Organizatorët e maratonës ofruan shpërblime për fituesit. Çmimi i parë, një iPhone 15 Pro Max shkoi për Orjana Ademin me kohën 55:54.45 dhe për Albion Ymerin nga Kosova me kohën 32:58.56.
Çmimi i dytë prej 500 Eurosh u fitua nga Megi Bërdufi me kohën 56:03:87 dhe Uros Gutic me kohën 33:28:74.
Ndërsa çmimi i tretë dhe i fundit, shuma prej 300 Eurosh, u fitua nga Anita Popa me kohën 57:18:03 dhe Bledar Mesi me kohën 33:38:64.
Maratona ishte 10 kilometra e gjatë dhe u zhvillua në orën 09:00 më 12 Maj 2024.
