Janë bërë publike pamjet kur motrat Antonela dhe Mariela Berisha dhunojnë Klea Prengën mbrëmjen e 6 gushtit 2024. Ngjarja ka ndodhur tek restoranti Arka Roof Top tek ‘Kodra e Diellit” në Tiranë.
Në video duken motrat Berisha, të veshura sport të cilat zbresin shkallët hyjnë në lokal. E para është Mariela, e veshur me të zeza, dhe pas saj është Antonela.
Sapo futen në lokal, Mariela Berisha merr (një gotë ose shishe) qelqi nga një tavolinë dhe godet Prengën, e cila shihet e ulur në tavolinë. Pas saj shfaqet e motra Antonela, e cila gjithashtu e dhunon atë.
Mes të tre vajzave nis një përleshje, teksa disa persona ndërhyjnë për të ndarë sherrin.
Një burrë tërheq dy motrat Berisha mënjanë e ndërsa përpiqet t’i largojë, Antonela merr diçka nga tavolina për të goditur sërish Prengën dhe më pas ata largohen nga lokali.
