Një ngjarje tronditëse ka ndodhur këtë të premte në fshatin Maliq, ku Pëllumb Lamçe, 71 vjeç, banues në fshatin Sheqeras ka tentuar të abuzojë me një 9-vjeçare.
Veprimet ndaj vajzës së mitur i ka parë një banore e zonës, e cila e ka larguar menjëherë vajzën nga vendngjarja. Ajo ka dhënë deklaratën e saj, teksa ka treguar detaje tmerruese lidhur me ngjarjen.
“Ishte mesditë rreth orës 13:30, pashë nga larg një situatë të sikletshme. Ai kishte shkuar në këndin e lojërave në shkollën e fshatit dhe kishte marrë me vete edhe vajzën e mitur.
Të dy i njoh se janë banorë të fshatit, shkoj menjëherë aty për të parë çfarë po ndodhte sepse nga larg nuk isha shumë e sigurt. Kur shkoj aty pashë tmerr me sy, të moshuarin e pashë gjysmë të zhveshur edhe vajzën gjithashtu.
Ishte gati për të kryer marrëdhënie seksuale, po e tërhiqte vajzën e mitur drejt vetes, unë nuk e lashë, e mora vajzën direkt. Shyqyr që nuk ndodhi asgjë, vajza është shumë mirë përveç se ka pësuar traumë nga ngjarja. 71 vjeçarin e goditi dy herë me grusht edhe një banor tjetër pasi mësoi për ngjarjen”-ka thënë dëshmitarja për Tch.
Nga ana tjetër sipas burimeve nga policia po hetohet nëse 71 vjeçari e kishte ngacmuar edhe herë të tjera dhe nëse i ka ofruar lekë vajzës pasi sipas banorëve vajzën e ka ngacmuar për ditë me radhë duke i thënë se do t’i jepte lekë.
