Më 24 Janar Gjykata e Tiranës njoftoi zyrtarisht se ish deputeti Endri Hasa ska paraqitur asnjë kërkesë në këtë gjykatë në lidhje me regjistrin e partive politike.
Reagimi gjykatës
Ju bëjmë me dije se,
Menjëherë pas administrimit të kërkesës Tuaj, u morën masat e nevojshme për evidentimin dhe nxjerrjen e informacionit të kërkuar nga ana Juaj, nga regjistri i Partive Politike pranë Zyrës së OJF-ve në Gjykatën e Shkallës së Parë të Juridiksionit të Përgjithshëm Tiranë. Ju bëjmë me dije se, nga të dhënat e disponueshme në regjistrin e partive politike, nuk rezulton që të ketë kërkesë për caktimin e personit juridik Endri Hasa si kryetar i ndonjë partie dhe nga verifikimi në sistemin e menaxhimit të çështjeve të Gjykatës së Shkallës së Parë të Juridiksionit të Përgjithshëm Tiranë, nuk rezulton të ketë cështje në gjykim me këtë emër.
Ky ishte reagimi i dt.24 janar 2025. Ndërsa weblajm.com mëson se kjo kërkesë tashmë është regjistruar zyrtarisht dhe kërkohet që kryetar i partisë Konservarore të bëhet z.Endri Hasa.
Gjykata e ka administruar kërkesën dhe pas pak ditësh do të dalë me vendim.
Kërkesa depozituar në gjykatën e tiranës
Por cila është partia që nëpërmjet z.Hasa, Lulzim Basha kërkon të regjistrohet në zgjedhjet e 11 maj 2025.
Sipas dokumentave të siguruar nga weblajm.com ajo është parti që ekziston prej disa vitesh dhe kryetari i saj deri në vitin 2023 ka qenë shtetasi Arben Mullai.
Dokumenti i stafit të partisë konservatore me iniciale KONS
Në një tjetër dokument të mars 2023 KQZ njofton se kërkues i kësaj partie në cilësinë e kryetarit për regjistrim është shtetasi Bashkim Murati.
Dokumenti
Deri në këtë moment ky duket një veprim krejt normal dhe eksperiencë e përdorur në politikën shqiptare.
Ajo çka ngre hije dyshimi është një dokument ekskluziv i siguruar nga weblajm.com ku Partia Konservatore i është fshehur auditit financiar të KQZ pasi mori fonde.
Ja se çfarë thotë audituesi që u caktua të verifikoj bilancet e Partisë Konservatore që sot e ka “blerë” Basha.
Të nderuar zotërinj,
Me vendimin të Komisionit Qëndror të Zgjedhjeve (KQZ) nr. 544, datë 22.05.2023, jemi caktuar me cilesine e ekspertit kontabël të rregjistruar (audituesit ligjor) për auditimin efondeve të përftuara dhe të shpenzuara për vitin kalendarik 2022 nga Partia “Konservatore”të deklaruara në raportin financiar vjetor te vitit 2022 pranë KQZ-së për kětë periudhë “Menjeherë pas lidhjes së kontratës me KQZ-në, më datë 27.09.2023, kërkuam të vendosim komunikimin zyrtar me kryetarin e partisë politike ” Konservatore” per filimin e proceduravetë auditimit, nëpërmjet dërgimit të letrave rekomande, në adresën e selisë së partisë siç ishte përshkruar në adresat që na dërgoi KQZ-ja në vazhdim. Por kjo mënyrë komunikimi rezultoi pa sukses, pasi letra (njoftimi) i partisë që u dërgua me poste u kthye nga zyra e shërbimit postar per arsye te adresës të pasaktë, me shënimin “I|panjohur. Për kētë parti u përdorën gjithashtu dhe komunikimet që mundëm të merrnim nga ekspertët parardhës në misione të ngjashme, si numra telefoni apo e-maile, por dhe kjo měnyrë nuk solli rezultat. Ne besojmë se kemi bërë përpjekjet e duhura për të vendosur komunikimin zyrtar me kryetarin dhe personat e tjerë pergjegjes në parti por kjo qe e pamundur dhe për rrjedhim misioni i auditimit për Partinë “Konservatore” nuk u realizua.
Çdo parti politike që merr fonde nga KQZ dhe buxheti i shtetit ka detyrim ligjorë të pranonë audituesit.
Por kjo ska ndodhur me KONS, partinë konservatore. Ajo ka refuzuar të pranojë auditin duke mos marrë as postën e dorëzuar në adresën që ajo kish depozituar në KQZ kur mori fonde.
z.Basha ende ska bërë asnjë reagim dhe zyrtarisht ai ska asnjë lidhje me këtë subjekt politik deri më tani, Pra Partinë Konservatore.
Por krahu i tij i djathtë z.Endri Hasa deputet i futur nga Basha në Listën e PD, mbetet të sqarojë: Si do bëhet kryetar i një partie që ka refuzuar auditin e KQZ?
Çfarë ka fshehur kjo parti deri më tani?
Përse Konservatorët kanë shmangur Auditin?
Ky konstatim i KQZ ku partia i shmanget kontrollit mund të jetë një provë e edhe për vetë gjykatën e cila pritet të dalë me vendim.
Sa serioze është një parti që i fshihet KQZ?
