Elon Musk dhe keqpërdorimi i Inteligjencës Artificiale janë kërcënimet më të mëdha për dëmtimin e kompanive.
Ky është rezultati i një studimi të bërë nga më shumë se 100 drejtues ndërkombëtarë të marrëdhënieve me publikun.
Dhoma e Situatave Globale, me seli në Uashington dhe është e fokusuar në marrëdhëniet me publikun, autorizoi këtë sondazh.
Kreu i kësaj firme, Brett Bruen, tha se rreziku i dëmtimit të imazhit të çdo biznesi ndikohet direkt nga asociimi me miliarderin Elon Musk apo keqpërdorimin e inteligjencës artificiale.
Ky vëzhgim është në një linjë me disa sondazhe të opinionit publik që kanë kritikuar ashpër punën e Elon Musk në administratën Trump. Një sondazh i Universitetit Quinnipiac i publikuar në Mars tregoi se 60% e votuesve e shikojnë me përbuzje mënyrën sesi biznesmeni dhe departamenti që ai drejton sillen me punonjësit.
