Ndjekia e targës me kamera nga hetusit e aksidenteve në komisariatin rrugorë Tiranë, ka zbuluar motorristin e papërgjegjshëm.
Ndërkohë edhe motorri me targë AJ799 është sekuestruar. Përtej një fluksi të shtuar mjetesh, qarkullimi dhe trafiku. Tirana ka shënuar një ulje të nr të aksidenteve e në veçanti atyre me pasoja plagosje ose fatalitet me të vdekur.
Aksidentoi një të mitur dhe u largua nga vendi i ngjarjes, Policia Rrugore e Tiranës, identifikon dhe vë në pranga autorin.
Specialistët e Qarkullimit Rrugor bënë arrestimin në flagrancë të shtetasit G. M., 35 vjeç, për veprat penale “Shkelja e rregullave të qarkullimit rrugor” dhe “Largimi nga vendi i aksidentit” pasi në rrugën “Demokracia”, ka aksidentuar një të mitur 9-vjeçare, dhe më pas është larguar nga vendi i ngjarjes. 9-vjeçarja ndodhet në spital, jashtë rrezikut për jetën.
Shërbimet e Policisë Rrugore të Tiranës, pas marrjes së njoftimit, menjëherë organizuan punën për identifikimin dhe kapjen e autorit të dyshuar. Pas disa orësh pune intensive hetimore profesionale bënë të mundur identifikimin e targës së motomjetit dhe më pas të drejtuesit të tij.
Në cilësinë e provës materiale, u sekuestrua motomjeti.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
