Bashkia e Tiranës i kërkon grupit të Rithemelimit të zhvillojë tubimin e 6 dhjetorit pranë Sheshit Skëndërbej. Sipas një shkrese të siguruar nga WebLajm, kryetari Veliaj i është përgjigjur kërkesës së tyre në respekt të së drejtës për tubim.
Sipas Bashkisë parapërgatitjet dhe samiti i BE-s me Ballkanin Perëndimor caktuar më herët, pamundëson zhvillimin e tubimit të rithemelimit tek Bulevardi “Dëshmorët e Kombit”përpara Kryeminsitrisë.
Ndërsa më herët ishte policia e tiranës e cila refuzoi pajisjen me leje tek bulevardi me argumentin se në akset e kërkaura për tubim, ishte krijaur perimetër sigurie për shkak të samitit.
Shkresa e Bashkisë
Në përgjigje të kërkesës suaj protokolluar pranë Bashkisë Tiranë me nr. prot. 41516, dt. 23.11.2022, nëpërmjet së cilës kërkoni leje për vendosjen e një foltoreje në kuadrin e organizimit të një tubimi protesë në bulevardin Dëshmorët e Kombitt, nga ora 12:00 deri në orën 16:00, si dhe bazuar në shkresën e bërë publike të Drejtorisë Vendore të Policisë Tiranë me nr. E-431prot., dt. 24.11.2022, ku shprehet ndalimi organizimit të ketij tubimi për shkak se bie në kundërshtim me perimetrin e sigurisë të cituar në shkresën përkatëse, ju bëjmë me dije se kërkesa juaj nuk mund të miratohet.
Bashkia Tiranë, si njësi e vetëqeverisjes vendore, në territorin e së cilës do organizohet samiti Bashkimit Evropian për Ballkanin Perëndimor është e angazhuar me organizimin e këtij Samiti, sipas fushës së funksioneve që ajo mbulon.
Për sa më sipër, Bashkia Tiranë e ka të pamundur t’iu pajisë me një leje për zënien e hapësirës publike për zhvillimin e tubimit që ju kërkoni të zhvilloni në Bulevardin “Dëshmorët e Kombit”. Duke qenë se për shkak të zhvillimit të samitit të Bashkimit Evropian në qytetin e Tiranës, pjesa më e madhe e rrugëve në qytet do jenë në funksion të mbarëvajtjes së këtij samiti, duke mos cënuar të drejtën tuaj për tubime, ju propozojmë zhvillimin e tij pranë Sheshit Skënderbej.
Për sa me sipër, nëse jeni dakord me këtë propozim, na bëni sa me shpejt me dije, që Bashkia Tiranë të vijoj me lëshimin e lejes përkatëse për zhvillimin e këtij tubimi.
